2017年2月22日 星期三

隱世特色邊邊 | 蜀府川鍋

打邊爐一係十下十下,一係唔知有幾多層鍋,最近聽聞油塘就有間打邊爐的餐廳,可以一個鍋滿足我兩個願望,所以好快就去咗嗰度食吓~


入到大堂,成個場紅噹噹,好有中菜菜館的格局,不過要讚的就係通風系統的確幾好,唔會感覺到好大油煙。


呢度無論係鍋底、湯底同埋食材的選擇真係超多,令我即時有選擇困難症。




既然我哋係衝著兩層鍋而來,一定唔會錯過,但因為老公唔係好食辣,所以下層就係瑤柱鮮竹排骨湯底。
而今次的食材有貝殼類、魚同埋雞,真係好新鮮呀,尤其是係鮑魚,上枱嗰時仲係郁郁吓架~






响我們分別放咗 D 食材响上下兩層之後,就開始品嘗前菜 - 尖椒重慶皮蛋。
透明的皮蛋我都係第一次食,皮蛋鋪上少量的尖椒和芝麻,真係好香口和開胃。


食咗幾塊,個鍋開始滾啦~
蒸熟的貝殼類開哂口,食落口感好鮮嫩,而且又冇沙,仲有陣陣的海水味 tim~
 d 雞同魚肉質好易咬開又好夠滑,加埋下層鍋底的飯一齊食真係好滿足。






個鍋咁大,我哋都要用到 3  Gas 才差不多食完 d 食材,最後食埋個蒸黃金糕,暖笠笠,軟綿綿,正~


謝謝各位收看,希望大家喜歡,歡迎任何合作和試用或出席活動
My Email: shirleylkl1002@gmail.com



我的其他平台

沒有留言:

張貼留言